يــمــه مــريولي تـوسخ >> خـاطرة حـزينه

زائر

يـــمـــه

تكفين اسمعيني ...

يمـه بسألك شي ..

جاوبيني ..

هو صحيح اللي مات

داخل القبر يصير حي ...؟؟؟

يــمـــه ...

أسمع أنــا صوتك ..

كل يوم اسمعه ..

واذا حاكيتك هاوشوني ..

قالوا انسي ..

روحي يلا العبي .... !!

يمه تعالي ارجعي ...

والله خلاص بسمع كلامك ..

ما اخرب العابي ..

وان قلتي يلا ..

روحي نامي ..

أروح حتى ماتزعلي ..

يمه تكفين ارجعي ..

اليوم حطت لي المديره ..

نجمه من فوق جبهتي ..

يمه سمعتها تقول..

مسكينه هالبنت صارت يتيمه ..

قالت لها ابله منيره ..

مسكينه توها صغيره ..

وش كانوا يقصدون ..؟

يمكن عشاني صرت عاقله ..

ولا عشاني دايم اسرح

يمه مريولي توسخ ..

ماكان قصدي اوسخه ...

بس تذكرت انك تقولي ..

بعد شهرين..

بشتري لك لبس ثاني ..

يمـه تعالي اشتري ...

يمـه عرفتي مها ..؟

صديقتي اللي معي ..

زاعلتني ..

تقول ماصرت انا اضحّـكها

راحت تدور غيري

عشان تلقى احد يونسهـا

يــمــه

يالله خلاص لاتمزحي

يلا قومي

تعالي معي للبيت ارجعي

يمه يمممه

نسيت شي ..

بقولك ترى بيتنا صار فاضي ..

ماحد يجينا ..

وكل اللي فيه انا واخواني ..

ليه وين اقاربنا ..؟؟

وين خالتي ..

اللي كانت تجينا ...

يمممه قوومي يلا تعالي ..

تكفين يلا تعالي ..

ماودي ارجع لحالي

والله خايفه ..

ترى امس جيتك ..

مارديتي ..

حسبتك نــايمه ..

أو اقولك ..

خلاص خلاص ..

انا بجيك بكره ..

اذا راحوا من هنا الناس ..

تكفين يمه بكره اصحي ..

تكفين يمه بكره ارجعي ..
___________________

اتـــمــنى ان تـنـال عـلى استحـسانكم